යේමනයේ
යුධ ගැටුම්වලට මැදිවී සිටියදී චීන යුධ නැව මගින් බේරාගත් අවසන් ශ්රී
ලාංකිකයෝ 16 දෙනාද ඊයේ රාත්රිෙය් යළි දිවයිනට පැමිණියහ.ඒ අතර අවුරුදු එක හමාරක කුඩා දරුවෙකුද විය. ඒ
අනුව චීන නෞකාව මගින් බේරාගත් සියළු දෙනා මේ වන විට දිවයිනට පැමිණ අවසන්ව
ඇත. මෙම පිරිස යේමනයේ සනා නගරයේ සිට කිලෝමීටර් 222 ක් ගොඩබිමින් හොදෙයිදා
වරාය නගරයට පැමිණ එතැන් සිට චීන නාවුක හමුදාවට අයත් යුධ නැවකින් ජිබුති
වරායට පැමිණ පසුව එතැන් සිට නයිරෝබි නුවර කෙන්යා තානාපතිවරයාගේ සහයෙන් යළි
ගුවනින් කටාර් හි දෝහා හරහා දිවයිනට පැමිණියහ.දිවයිනට
පැමිණි බොහෝ දෙනෙකු පැවසුවේ යේමනයේ සනා නුවර පිහිටි ටොයොටා ආයතනයේ පරිඝණක
අංශයේ ප්රධානියා වන උජාල පෙරේරා මහතා එහි සිටි ශ්රී ලාංකිකයෝ සියළු දෙනා
කණ්ඩායමක් වශයෙන් ඒක රාශී කොට ශ්රී ලංකා රජයට දැනුම් දී සියළු දෙනාටම
දිවයිනට පැමිණීමට මැදහත්ව කටයුතු කළ බවයි.
0 comments:
Post a Comment