19
වැනි ආණ්‌ඩු ක්‍රම ව්‍යවස්‌ථා සංශෝධන කෙටුම්පත පරදවන බව විදුලිබල ඇමැති
චම්පික රණවක මහතා ඊයේ (24 දා) බත්තරමුල්ලේ පැවැති මාධ්‍ය සාකච්ඡාවක දී
පැවැසීය. විධායක ජනාධිපති ක්‍රමයේ අත්තනෝමතික බලතල ඉවත් කිරීම සඳහා ඇමැති
මණ්‌ඩලය සහ දේශපාලන පක්‌ෂ නායකයන් අතර පැවැති සාකච්ඡාවලට හාත්පසින්ම පටහැනි
ලෙස 19 වැනි සංශෝධන කෙටුම්පත ඉදිරිපත් කර ඇතැයි ද, එය අගමැති රනිල්
වික්‍රමසිංහ මහතාගේ ඕනෑකමට කර ඇතැයි ද ඇමැතිවරයා චෝදනා කළේය.
මේ ව්‍යවස්‌ථා සංශෝධනයේ
අරමුණ රාජ්‍ය නායකයා වන ජනපති පඹයකු බවට පත් කර ආණ්‌ඩුවේ නායකයා බවට අගමැති
පත් කර ගැනීම බව ද ඔහු කීවේය. විධායක ජනාධිපති ක්‍රමය වෙනස්‌ කරන බවට
පසුගිය ජනපතිවරණයේ දී පොදු අපේක්‌ෂක මෛත්‍රීපාල සිරිසේන මහතා ඉදිරිපත් කළ
ප්‍රතිපත්ති ප්‍රකාශනයට මෙම සංශෝධන විරුද්ධ බව ඇමැතිවරයා සඳහන් කළේය.
0 comments:
Post a Comment