යළි
දේශපාලනයට එක්වීමේ අදහසක් තමාට නොමැති බව ශ්‍රී ලංකා ක්‍රිකට් තේරීම්
කමිටු සභාපති මාතර දිස්ත්‍රික් පාර්ලිමේන්තු මන්ත්‍රී සනත් ජයසූරිය මහතා
පැවසීය. ඔස්ට්‍රේලියාවේ සිඩ්නි නුවරදී කෙටි පිළිසඳරකට එක්වෙමින් සනත්
ජයසූරිය මහතා මේ බව සඳහන් කළේය. ඒ මහතා මෙසේද කීය. සක්‍රිය දේශපාලනය මට
දැන් එපා වෙලා. මම හිතන්නේ නැහැ මම ආයෙත් දේශපාලන පිටියට එයි කියලා. මට
සතුටුයි දිගටම මේ විදිහට ක්‍රිකට්වලට සේවය කරමින් එයට සහාය ලබා දෙන්න.
කොහොම වුණත් මම සතුටු වෙනවා ශ්‍රී ලංකා ක්‍රිකට් වෙනුවෙන් වැඩි දෙයක්
කිරීමට ලැබිම පිළිබඳව. මම වඩා සතුටු වෙන දෙයක් තමයි මේ තරම් දුරක් අපේ පිල
ලෝක කුසලානයේ ඉදිරියට පැමිණීම. බලමු අපට ඉදිරියට යන්න හැකි වේවි. එහෙම
වුණොත් මට එය
දේශපාලනයට වඩා
සතුටක් ගෙන දෙනවා. ශ්‍රී ලංකාව 1996 ලෝක ක්‍රිකට් කුසලානය දිනා වසර 19ක්
ඊයේ දිනට සම්පූර්ණ කිරීම ගැන ද සනත් ජයසූරිය මෙහිදී සිහිපත් කළේය.
ධම්මික රත්නවීර ඔස්ට්‍රේලියාවේ සිඩ්නි නුවර සිට
0 comments:
Post a Comment