Cat entity police complaint.

 

                පේරාදෙණිය ගොරකදෙණිය ප්‍රදේශයේ පදිංචිව සිටි තරුණ කාන්තාවක පසුගියදා එම ප්‍රදේශයෙන් වෙනත් ප්‍රදේශයක පදිංචිය සඳහා ගොස් ඇති බව සඳහන් වන අතර එම අවස්ථාවේ තම සුරතල් පූසා රැගෙන යෑමට නොහැකි වීම හේතුවෙන් 21 වැනි දින නැවතත් තමා පෙර පදිංචිව සිටි ප්‍රදේශය කරා ගොස් සොයා බැලීමේදී හෙළිව ඇත්තේ පූසා යාබද නිවෙසක පදිංචි කාන්තාවක විසින් ඇති දැඩි කරනු ලබන බවය. එම නිවෙස කරා ගොස් තම පූසා ලබාදෙන මෙන් ඉල්ලා සිටීමේදී පූසා සන්තකයේ තබාගෙන සිටි කාන්තාව සඳහන් කොට ඇත්තේ පූසා තමාගේ බැවින් වෙනත් ප්‍රදේශයක පදිංචියට ගිය කාන්තාවට පූසා ලබාදිය නොහැකි බවය.

              පූසාගේ හිමිකාරිය බව පැවැසෙන කාන්තාව එදිනම පේරාදෙණිය පොලිස් ස්ථානය කරා ගොස් තම පූසා ලබාදෙන ලෙසට පැමිණිල්ලක් කොට ඇති අතර, පොලිසිය අනෙක් කාන්තාව හා පූසා පොලිසිය වෙත ගෙන්වා සිද්ධිය සමථයකට පත් කිරීමට දැඩි උත්සාහයක නිරත වුවද පසුව එය නොහැකි වූයෙන් පූසාගේ අයිතිය තහවුරු කිරීම සඳහා පූසා හා කාන්තාවන් දෙදෙනා පේරාදෙණිය විශ්වවිද්‍යාල පශු ශික්‍ෂණ රෝහල වෙත යොමු කිරීමට පියවර ගෙන ඇත.